ਭਾਰਤੀ ਸੈਨਾ ਨੇ 'ਚ ਅਪਰੇਸ਼ਨ ਚਲਾਇਆ :
ਨਵੀਂ ਦਿੱਲੀ, 29 ਸਤੰਬਰ - ਪਾਕਿਸਤਾਨ ਦੀ ਇੰਟਰ ਸਰਵਿਸ ਪਬਲਿਕ ਰਿਲੇਸ਼ਨਸ ਨੇ ਕਿਹਾ ਹੈ ਕਿ ਭਾਰਤੀ ਸੈਨਾ ਨੇ ਐਲ.ਓ.ਸੀ. ਲੰਘ ਕੇ ਪਾਕਿਸਤਾਨੀ ਪਾਸੇ ਭੀਮਬਰ, ਹਾਟਸਪਰਿੰਗ, ਕੇਲ ਤੇ ਲੀਪਾ ਸੈਕਟਰਾਂ 'ਤੇ ਸਰਜੀਕਲ ਸਟਰਾਈਕ ਕੀਤਾ ਹੈ।
ਐਨ ਆਰ ਆਈ ਵੀ ਪਾ ਸਕਣਗੇ ਵੋਟਾਂ :
ਹਾਂਗਕਾਂਗ 22 ਸਤੰਬਰ 2016 (ਗਰੇਵਾਲ): ਦੇਸ ਤੋ ਦੂਰ ਰਹਿਣ ਵਾਲੇ ਪੰਜਾਬੀਆਂ ਲਈ ਇਹ ਖੁਸੀ ਦੀ ਖਬਰ ਹੈ ਕਿ ਉਹ ਆਉਣ ਵਾਲੀਆਂ ਵਿਧਾਨ ਸਭਾ ਚੋਣਾਂ ਵਿਚ ਵੋਟਾਂ ਪਾ ਸਕਣਗੇ, ਇਸ ਲਈ ੳਨਾਂ ਨੂੰ ਪੰਜਾਬ ਜਾਣ ਦੀ ਜਰੂਰਤ ਨਹੀਂ। ਇਹ ਜਾਣਕਾਰੀ ਪੰਜਾਬ ਦੇ ਮੱਖ ਚੋਣ ਅਧਿਕਾਰੀ ਸ੍ਰੀ ਵੀ ਕੇ ਸਿੰਘ ਨੇ ਪਟਿਆਲਾ ਯੂਨਵਰਸਿਟੀ ਵਿਚ ਦਿਤੀ। ਉਨਾ ਕਿਹਾ ਕਿ ਪੰਜਾਬ ‘ਚ ਹੋਣ ਵਾਲੀਆਂ ਵਿਧਾਨ ਸਭਾ ਚੋਣਾਂ ਤੋਂ ਪਹਿਲਾਂ ਲੋਕਾਂ ਦੇ ਆਨਲਾਈਨ ਵੋਟ ਬਣਾਉਣ ਦਾ ਟੀਚਾ 100 ਫ਼ੀਸਦੀ ਹਾਸਲ ਕਰ ਲਿਆ ਜਾਵੇਗਾ ਜਿਸ ਤਹਿਤ ਪੰਜਾਬ ‘ਚ 2017 ਦੀਆਂ ਵਿਧਾਨ ਸਭਾ ਚੋਣਾਂ ‘ਚ ਬਾਹਰਲੇ ਮੁਲਕਾਂ ‘ਚ ਵਸਦੇ ਐਨ ਆਰ ਆਈ ਵੋਟਰਾਂ, ਸਿਆਚਿਨ, ਅਰੁਣਾਚਲ ਪ੍ਰਦੇਸ਼ ਵਰਗੇ ਦੂਰ ਦੁਰਾਡੇ ਥਾਵਾਂ ਤੇ ਰਹਿ ਰਹੇ ਫ਼ੌਜੀਆਂ ਅਤੇ ਆਪਣੇ ਹਲਕੇ ਤੋਂ ਬਾਹਰ ਡਿਊਟੀ ਕਰ ਰਹੇ ਸਰਵਿਸ ਵੋਟਰਾਂ ਨੂੰ ਆਨਲਾਈਨ ਬੈਲਟ ਪੇਪਰ ਜ਼ਰੂਰ ਪੁੱਜਦੇ ਕਰ ਦਿੱਤੇ ਜਾਣਗੇ।
ਕਨੇਡਾ ਪ੍ਰਧਾਨ ਮੰਤਰੀ ਦੀ ਹਾਂਗਕਾਂਗ ਫੇਰੀ :
ਹਾਂਗਕਾਂਗ 7 ਸਤੰਬਰ 2016 (ਗਰੇਵਾਲ ): ਚੀਨ ਵਿਚ ਹੋਏ ਯੀ 20 ਸਮੇਲਨ ਵਿਚ ਸ਼ਾਮਲ ਹੋਣ ਆਏ ਕਨੇਡਾ ਦੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਆਪਣੇ 2 ਦਿਨਾਂ ਦੌਰੇ ਤੇ ਮੰਗਲਵਾਰ ਹਾਂਗਕਾਂਗ ਵਿਚ ਆਏ। ਉਨਾਂ ਸਭ ਤੋ ਪਹਿਲਾਂ ਵਿਸਵ ਯੁੱਧ ਦੌਰਾਨ ਹਾਂਗਕਾਂਗ ਦੀ ਰਾਖੀ ਕਰਦੇ ਸ਼ਹੀਦ ਹੋਏ ਕਨੇਡੀਅਨ ਸੈਨਿਕਾਂ ਨੂੰ ਸਰਧਾ ਦੇ ਫੁੱਲ ਭੇਟ ਕੀਤੀ। ਇਸ ਸਮੇ ਉਹ ਕੁਝ ਦੇਰ ਭੀੜ ਤੋ ਪਰੇ ਕਬਰਾਂ ਵਿੱਚ ਖੜੇ ਦਿਖਾਈ ਦਿਤੇ।ਵਿਸਵ ਯੁੱਧ ਦੌਰਾਨ ਕੁਲ 283 ਕਨੇਡੀਅਨ ਸੈਨਿਕਾਂ ਨੇ ਆਪਣੀ ਜਾਨ ਹਾਂਗਕਾਂਗ ਦੇ ਲੇਖੇ ਲਾਈ ਸੀ। ਉਨਾਂ ਆਪਣੀ ਇਸ ਫੇਰੀ ਦੌਰਾਂਨ ਹਾਂਗਕਾਂਗ ਦੇ ਉਘੇ ਧਨਾਢ ਲੀ ਕਾ ਸਿਗ ਤੇ ਉਸ ਦੇ ਬੇਟੇ ਵਿਕਟਰ ਲੀ ਨਾਲ ਦੋਵਾਂ ਦੇਸ਼ਾ ਦੇ ਵਿਉਪਾਰ ਸਬੰਧੀ ਕੁਝ ਸਮਾਂ ਵਿਚਾਰ ਕੀਤੀ। ਇਸ ਤੋ ਬਾਅਦ ਉਹ ਹਾਂਗਕਾਂਗ ਮੁੱਖੀ ਨੂੰ ਉਹਨਾਂ ਦੇ ਸਰਕਾਰੀ ਹਾਉਸ ਵਿਚ ਮਿਲਣ ਗਏ। ਹਾਂਗਕਾਂਗ ਵਿਚ ਰਹਿਦੇ ਕਨੇਡਾ ਦੇ ਭਾਈਚਾਰੇ ਨਾਲ ਉਨਾਂ ਨੇ ਦੁਪਿਹਰ ਦਾ ਖਾਣਾ ਸਾਝਾਂ ਕੀਤਾ, ਜਿਸ ਵਿਚ ਹਾਂਗਕਾਂਗ ਸਰਕਾਰ ਦੇ ਕੁਝ ਉਚ ਅਧਿਕਾਰੀ ਵੀ ਸ਼ਾਮਲ ਹੋਏ। ਬੁੱਧਵਾਰ ਨੂੰ ਕੁਝ ਹੋਰ ਲੋਕਾਂ ਨੂੰ ਮਿਲਣ ਤੋ ਬਾਅਦ ਉਹ ਵਾਪਸ ਕਨੇਡਾ ਚਲੇ ਗਏ।
ਹਾਂਗਕਾਂਗ ‘ਚ ਵੋਟਾਂ ਕੱਲ :
ਹਾਂਗਕਾਂਗ 3 ਸਤੰਬਰ 2016(ਗੇਰਵਾਲ):- ਬਹੁਤੇ ਪੰਜਾਬੀਆਂ ਦੀ ਦਿਲਚਸਪੀ ਪੰਜਾਬ ਵਿੱਚ 6 ਮਹੀਨੇ ਬਾਅਦ ਹੋਣ ਵਾਲੀਆਂ ਚੋਣਾਂ ਵਿਚ ਜਿਅਦਾ ਹੈ। ਇਸੇ ਦੌਰਾਨ ਉਨਾਂ ਨੂੰ ਇਹ ਯਾਦ ਕਰਾਇਆ ਜਾਂਦਾ ਹੈ ਕਿ ਹਾਂਗਕਾਂਗ ਦੀ ਲੈਜੀਕੋ ਲਈ ਕੱਲ 4 ਸਤੰਬਰ 2016 ਨੂੰ ਵੀ ਚੌਣਾਂ ਹੋ ਰਹੀਆਂ ਹਨ। ਸਵੇਰੇ 7.30 ਵਜੇ ਵੋਟਾਂ ਪਾਉਣ ਦਾ ਕੰਮ ਸੁਰੂ ਹੋਵੇਗਾ ਜੋ ਕਿ ਰਾਤ 10.30 ਵਜੇ ਤੱਕ ਜਾਰੀ ਰਹੇਗਾ। ਹਾਂਗਕਾਂਗ ਦੀ ਕੁੱਲ 70 ਲੱਖ ਅਬਾਦੀ ਵਿਚੋਂ ਕਰੀਬ ਅੱਧੀ ਵਸੋਂ ਵੋਟ ਪਾਉਣ ਦਾ ਅਧਿਕਾਰ ਰੱਖਦੀ ਹੈ। ਲੈਜੀਕੋ ਦੀਆਂ ਕੁਲ 70 ਸੀਟਾਂ ਵਿਚੋ 35 ਲਈ ਸਿੱਧੀਆਂ ਵੋਟਾਂ ਰਾਹੀ ਚੋਣ ਹੁੰਦੀ ਹੈ ਜਦ ਕਿ ਬਾਕੀ ਦੀਆਂ 35 ਸੀਟਾਂ ਲਈ ਵੱਖ ਵੱਖ ਗਰੁਪਾਂ ਵੱਲੋ ਚੋਣ ਕੀਤੀ ਜਾਂਦੀ ਹੈ। ਹਰ 4 ਸਾਲ ਬਾਅਦ ਹੋਣ ਵਾਲੀਆਂ ਇਨਾਂ ਚੌਣਾਂ ਵਿਚ ਕਈਆਂ ਪਾਰਟੀਆਂ ਆਪਣੇ ਉਮਦੀਵਾਰ ਖੜ੍ਹੇ ਕਰਦੀਆ ਹਨ ਜੋ ਕਿ ਮੁੱਖ ਤੌਰ ਤੇ ਚੀਨੀ ਕੇਦਰੀ ਸਰਕਾਰ ਪੱਖੀ ਤੇ ੳਨਾਂ ਦੇ ਵਿਰੋਧੀ ਗੁਰਪ ਵਿੱਚ ਵੰਡੇ ਹੋਏ ਹਨ। ਹਰ ਵਾਰ ਚੀਨੀ ਸਰਕਾਰ ਵਿਰੋਧੀ ਜਿਨਾਂ ਨੂੰ ਬੀਜਿੰਗ ਵਿਰੋਧੀ ਵੀ ਕਿਹਾ ਜਾਂਦਾ ਹੈ, ਦੀ ਬਹੁਮਤ ਰਹੀ ਹੈ। ਹਾਂਗਕਾਂਗ ਵਿਚ ਸਭ ਤੋ ਵੱਡੀ ਪਾਰਟੀ ਡੀ ਏ ਬੀ ਹੈ ਜੋ ਕਿ ਬੀਜਿੰਗ ਪੱਖੀ ਹੈ।
ਮਦਨ ਮੋਹਨ ਮਿੱਤਲ ਦੀ ਟਿਕਟ ਕੱਟੀ :
ਚੰਡੀਗੜ 2 ਸਤੰਬਰ 2016 (): ਬੀ ਜੇ ਪੀ ਦੇ ਪੰਜਾਬ ਵਿਚ ਮੰਤਰੀ ਮਦਨ ਮੋਹਨ ਮਿੱਤਲ ਦੀ ਟਿਕਟ ਕੱਟ ਦਿਤੀ ਗਈ ਹੈ। ਧਿਆਨ ਦੇਣਾ ਇਹ ਆਉਣ ਵਾਲੀਆਂ ਵਿਧਾਨ ਸਭਾ ਚੋਣਾ ਦੀ ਟਿਕਟ ਨਹੀ ਸਗੋਂ ਸ਼ਾਰਜਾਹ ਜਾਣ ਵਾਲੇ ਜਹਾਜ ਦੀ ਟਿੱਕਟ ਹੈ। ਅਸਲ ਗੱਲ ਇਹ ਹੈ ਕਿ 15 ਸਤੰਬਰ 2016 ਨੂੰ ਚੰਡੀਗੜ ਦੇ ਅੰਤਰਾਸਟਰੀ ਹਵਾਈ ਅੱਡੇ ਤੋ ਸ਼ਾਰਜਾਹ ਲਈ ਜੋ ਪਹਿਲੀ ਉਡਾਨ ਜਾ ਰਹੀ ਹੈ ਉਸ ਵਿੱਚ ਡਿਪਟੀ ਮੁੱਖ ਮੰਤਰੀ ਸੁਖਬੀਰ ਸਿੰਘ ਦੀ ਅਗਵਾਈ ਵਿਚ ਇੱਕ ਵਫਦ ਜਾ ਰਿਹਾ ਹੈ। ਪਹਿਲਾ ਇਸ ਦੇ ਮੈਬਰਾਂ ਦੀ ਗਿਣਤੀ 50 ਸੀ ਹੁਣ ਇਹ ਗਿਣਤੀ ਘਟਾ ਕੇ 17 ਕਰ ਦਿੱਤੀ ਹੈ। ਇਸ ਵਫਦ ਵਿੱਚ ਜਾਣ ਵਾਲੇ ਸਭ ਬੀ ਜੇ ਪੀ ਵਾਲੇ ਮੰਤਰੀ ਤੇ ਐਮ ਐਲ ਏ ਦੀਆਂ ਟਿਕਟਾਂ ਕੱਟ ਦਿੱਤੀਆਂ ਗਈਆਂ ਹਨ, ਜਿਨਾਂ ਵਿੱਚ ਇਹ ਮਦਨ ਮੋਹਨ ਮਿੱਤਲ ਵੀ ਸ਼ਾਮਲ ਹਨ।
ਖਬਰਾਂ ਹੁਣੇ-ਹੁਣੇ- ਸਾਰੀਆਂ
|
