ਨਵੀਂ ਦਿੱਲੀ : ਸੋਸ਼ਲ ਮੀਡੀਆ ਤੋਂ ਲੈ ਕੇ ਵਹਟਸਐਪ ‘ਤੇ ਇੱਕ ਪੋਸਟ ਵਾਇਰਲ ਹੋ ਰਹੀ ਹੈ। ਇਸ ਵਿਚ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਰਾਮਪੁਰ ਵਿਚ ਇੱਕ ਬੱਚੀ ਨਾਲ ਜਬਰ ਜਨਾਹ ਦੇ ਆਰੋਪੀ ਨੂੰ IPS ਡਾ. ਅਜੇਯ ਪਾਲ ਸ਼ਰਮਾ ਨੇ ਗੋਲੀ ਮਾਰ ਕੇ ਚਿੱਤ ਕਰਤਾ। ਜਦੋਂ ਇਸਦੀ ਪੜਤਾਲ ਕੀਤੀ ਤਾਂ ਪਾਇਆ ਕਿ ਰਾਮਪੁਰ ਦੇ ਪੁਲਸ ਸੁਪਰਡੈਂਟ ਡਾ. ਅਜੇਯ ਪਾਲ ਸ਼ਰਮਾ ਨੇ ਜਬਰ ਜਨਾਹ ਦੇ ਆਰੋਪੀ ਨੂੰ ਆਪ ਕੋਈ ਗੋਲੀ ਨਹੀਂ ਮਾਰੀ ਸੀ। ਜਿਸ ਸਮੇਂ ਇਹ ਇਨਕਾਊਂਟਰ ਹੋਇਆ, ਪੁਲਸ ਸੁਪਰਡੈਂਟ ਆਪਣੇ ਘਰ ‘ਚ ਸੀ। ਇਸ ਇਨਕਾਊਂਟਰ ਵਿਚ ਦੂਜੇ ਪੁਲਿਸ ਕਰਮੀ ਸ਼ਾਮਲ ਸਨ। ਦੋਵੇਂ ਪੈਰਾਂ ‘ਚ ਗੋਲੀ ਲੱਗਣ ਦੇ ਬਾਅਦ ਜਬਰ ਜਨਾਹ ਅਤੇ ਹੱਤਿਆ ਦਾ ਆਰੋਪੀ ਨਾਜ਼ਿਲ ਹਾਲੇ ਮੇਰਠ ਦੇ ਹਸਪਤਾਲ ਵਿਚ ਭਰਤੀ ਹੈ।
ਕੀ ਹੋ ਰਿਹਾ ਹੈ ਵਾਇਰਲ? :
ਫੇਸਬੁੱਕ, ਟਵਿੱਟਰ ਤੋਂ ਲੈ ਕੇ ਵਹਟਸਐਪ ‘ਤੇ SP ਡਾ. ਅਜੇਯ ਪਾਲ ਸ਼ਰਮਾ ਨੂੰ ਲੈ ਕੇ 23 ਜੂਨ ਤੋਂ ਕਈ ਪੋਸਟ ਵਾਇਰਲ ਹੋ ਰਹੇ ਹਨ। ਇਸ ਵਿਚ ਦਾਅਵਾ ਕੀਤਾ ਗਿਆ ਹੈ, ”ਦੇਸ਼ ਵਿਚ ਆਪਣੀ ਤਰ੍ਹਾਂ ਦਾ ਪਹਿਲਾ ਇਨਕਾਊਂਟਰ। ਰਾਮਪੁਰ ਵਿਚ ਇੱਕ ਬੱਚੀ ਦੇ ਅਪਰਾਧੀ ਨੂੰ ਇਨਕਾਊਂਟਰ ਸਪੈਸ਼ਲਿਸਟ ਦਬੰਗ IPS ਅਜੇਯ ਪਾਲ ਸ਼ਰਮਾ ਨੇ ਕੀਤਾ ਢੇਰ। ਰਾਸ਼ਟ੍ਰ ਨੂੰ ਇਸ ਨਵੀਂ ਸ਼ੁਰੂਆਤ ਦੀ ਵਧਾਈ। ਹੁਣ ਸਾਨੂੰ ਆਪ ਹੀ ਅਦਾਲਤ ਬਣਕੇ ਫੈਸਲੇ ਦੇਣੇ ਪੈਣਗੇ।”
