ਹਾਂਗਕਾਂਗ(ਪੰਜਾਬੀ ਚੇਤਨਾ) : ਸੱਤਰੰਗ ਇੰਟਰਟਰੇਰਨਜ਼ ਦੀ ਪਲੇਠੀ ਫੀਚਰ ਫਿਲਮ ‘ਰਿਸਤੇ-ਨਾਤੇ’ 24 ਜਨਵਰੀ 2025 ਨੂੰ ਦੁਨੀਆਂ ਭਰ ਵਿਚ ਰਲੀਜ਼ ਹੋ ਰਹੀ ਹੈ। ਇਸ ਸਬੰਧੀ ਲੋਕਾਂ ਵਿਚ ਬਹੁਤ ਉਤਸ਼ਾਹ ਦੇਖਣ ਨੂੰ ਮਿਲ ਰਿਹਾ ਹੈ। ਫਿਲਮ ਦੀ ਟੀਮ ਵੱਲੋਂ ਵੱਖ ਵੱਖ ਕਾਲਜਾਂ-ਯੁਨੀਵਰਸਿਟੀਆਂ ਵਿਚ ਫਿਲਮ ਦੀ ਪ੍ਰਮੋਸ਼ਨ ਲਈ ਪ੍ਰੋਗ੍ਰਾਮ ਕੀਤੇ ਜਾ ਰਹੇ ਹਨ ਜਿਸ ਨੂੰ ਲੋਕਾਂ ਦਾ ਬਹੁਤ ਚੰਗਾ ਹੁੰਗਾਰਾ ਮਿਲ ਰਿਹਾ ਹੈ। ਇਹ ਟੀਮ ਦਰਬਾਰ ਸਾਹਿਬ ਸ਼੍ਰੀ ਅਮ੍ਰਿਤਸਰ ਸਾਹਿਬ ਵੀ ਨਸਮਸਤਕ ਹੋਣ ਗਏ। ਫਿਲਮ ਦੇ ਗੀਤ ਹੁਣ ਨੌਜਵਾਨਾਂ ਦੀ ਜ਼ਬਾਨ ਤੇ ਚੜ ਰਹੇ ਹਨ ਤੇ ਇਹ ਹੁਣ ਸੋਸਲ ਮੀਡੀਏ ਤੇ ਵੀ ਧੁੰਮਾਂ ਪਾ ਰਹੇ ਹਨ। ਫਿਲਮ ਦੀ ਸਾਰੀ ਟੀਮ ਦਾ ਇਹੀ ਕਹਿਣਾ ਹੈ ਕਿ ਇਹ ਹਰ ਵਰਗ ਦੇ ਦਰਸ਼ਕਾਂ ਦੀਆਂ ਉਮੀਦਾਂ ਤੇ ਖਰ੍ਹਾ ਉਤਰੇਗੀ।
ਇਸ ਫਿਲਮ ‘ਚ ਲੀਡ ਰੋਲ ਨਵੇਂ ਚਿਹਰੇ ਹਾਂਗਕਾਂਗ ਦੇ ਜੰਮਪਲ ਰਘਬੀਰ ਸੋਹਲ ਅਤੇ ਉਭਰ ਰਹੀ ਅਦਾਕਾਰਾ ਲਵ ਗਿੱਲ ਅਤੇ ਮਸ਼ਹੂਰ ਅਦਾਕਾਰ ਮਲਕੀਤ ਰੌਣੀ ਕਰ ਰਹੇ ਨੇ, ਇਹਨਾਂ ਨਾਲ ਪਾਕਿਸਤਾਨੀ ਕਲਾਕਾਰ ਮਿਰਜ਼ਾ,ਪਰਮਿੰਦਰ ਗਿੱਲ, ਲਵ ਕੌਰ, ਨਵਤੇਜ ਅਟਵਾਲ ਤੇ ਪ੍ਰੀਤੋ ਯੂਕੇ ਖ਼ਾਸ ਕਿਰਦਾਰ ਕਰ ਰਹੇ ਹਨ। ਗੁਰਪ੍ਰੀਤ ਮੰਡ ਸਹਿਯੋਗੀ ਰੋਲ ਵਿੱਚ ਤੇ ਪੰਜਾਬੀ ਫ਼ਿਲਮਾਂ ਦੀ ਲਾਜਵਾਬ ਅਦਾਕਾਰਾ “ਬਦਲਾ ਜੱਟੀ ਦਾ” ਵਾਲੀ ” ਗੁਲਾਬੋ ” ਸੁਨੀਤਾ ਧੀਰ ਇਸ ਫਿਲਮ ਦੇ ਵਿੱਚ ਮੁੱਖ ਕਿਰਦਾਰ ਵਿੱਚ ਨਜ਼ਰ ਆਉਣਗੇ। ਇਸ ਫਿਲਮ ਨੂੰ ਡਾਇਰੈਕਟ ਕੀਤਾ ਹੈ ਨੌਜਵਾਨ ਨਿਰਦੇਸ਼ਕ ਨਸੀਬ ਰੰਧਾਵਾ ਨੇ. ਇਸ ਮੂਵੀ ਦੇ ਗੀਤਾਂ ਦੇ ਲਿਖਾਰੀ ਰਾਸ਼ਟਰਪਤੀ ਅਵਾਰਡ ਵਿਜੇਤਾ ਜਸਦੀਪ ਸਾਗਰ ਹਨ, ਸੰਗੀਤ ਤਿਆਰ ਕੀਤਾ ਹੈ ਗੁਰਮੀਤ ਸਿੰਘ ਅਤੇ ਤਾਰ ਏ ਬੀਟ ਬ੍ਰੈਕਰ, ਸਿਧਾਰਥ ਨੇ ਪਿੱਠਵਰਤੀ ਸੰਗੀਤ ਦਿੱਤਾ ਹੈ।
ਗੀਤਾਂ ਨੂੰ ਆਵਾਜ਼ ਵੀ ਉੱਚਕੋਟੀ ਦੇ ਗਾਇਕਾਂ ਦੁਰਗਾ ਰੰਗੀਲਾ, ਫਿਰੋਜ਼ ਖਾਨ, ਸੰਦੀਪ ਵਾਰਿਸ, ਨਸੀਰ ਖਵਾਜਾ, ਸਿਮਰਨ ਭਾਰਦਵਾਜ ਤੇ ਗਿੰਨੀ ਮਾਹੀ ਵੱਲੋ ਦਿੱਤੀਆਂ ਹਨ।
