ਵਾਸ਼ਿੰਗਟਨ (ਏਜੰਸੀ) : ਇਕ ਡਾਰਕ ਵੈਬਸਾਈਟ ਜ਼ਰੀਏ ਹੈਕਰਾਂ ਨੇ ਦੁਨੀਆਂ ਦੀਆਂ ਸੈਂਕੜੇ ਕੰਪਨੀਆਂ ਤੋਂ ਸਮੂਹਿਕ ਫਿਰੌਤੀ ਮੰਗਦੇ ਸਾਈਬਰ ਹਮਲਾ ਕੀਤਾ ਹੈ। ਐਤਵਾਰ ਨੂੰ ਰੂਸ ਨਾਲ ਸਬੰਧਤ ਇਸ ਹੈਕਰ ਗਰੁੱਪ ਨੇ ਵੱਖ-ਵੱਖ ਕੰਪਨੀਆਂ ਤੋਂ ਸੱਤ ਕਰੋੜ ਡਾਲਰ (ਕਰੀਬ 5.21 ਅਰਬ ਰੁਪਏ) ਦੀ ਫਿਰੌਤੀ ਮੰਗਦੇ ਹੋਏ ਧਮਕੀ ਦਿੱਤੀ ਹੈ ਕਿ ਜੇਕਰ ਉਨ੍ਹਾਂ ਨੂੰ ਇਹ ਰਕਮ ਦਿੱਤੀ ਗਈ ਤਾਂ ਹੀ ਉਹ ਉਨ੍ਹਾਂ ਕੰਪਨੀਆਂ ਦਾ ਹੈਕ ਕੀਤਾ ਡਾਟਾ ਬਹਾਲ ਕਰਨਗੇ।
ਰੇਵਿਲ ਸਾਈਬਰ ਕ੍ਰਾਈਮ ਗੈਂਗ ਨੂੰ ਸਾਈਬਰ ਖੇਤਰ ‘ਚ ਫਿਰੌਤੀ ਵਸੂਲਣ ਵਾਲੇ ਸਭ ਤੋਂ ਕਾਮਯਾਬ ਗੈਂਗ ਦੇ ਰੂਪ ‘ਚ ਦੇਖਿਆ ਜਾਂਦਾ ਹੈ। ਸਾਈਬਰ ਸੁਰੱਖਿਆ ਕੰਪਨੀ ‘ਰਿਕਾਰਡਿਡ ਫਿਊਚਰ’ ਦੀ ਏਲਨ ਲਿਸਕਾ ਨੇ ਕਿਹਾ ਕਿ ਇਹ ਗੈਂਗ ਅਕਸਰ ਕਿਸੇ ਨਾ ਕਿਸੇ ਨਾਲ ਸਬੰਧਤ ਹੋ ਕੇ ਕੰਮ ਕਰਦਾ ਹੈ ਤੇ ਇਸ ਲਈ ਇਹ ਤੈਅ ਕਰਨਾ ਮੁਸ਼ਕਲ ਹੈ ਕਿ ਹੈਕਰਾਂ ਵੱਲੋਂ ਕੌਣ ਗੱਲ ਕਰ ਰਿਹਾ ਹੈ। ਰੇਵਿਲ ਰੈਨਸਮਵੇਅਰ ਦੇ ਸ਼ੁੱਕਰਵਾਰ ਨੂੰ ਕੀਤੇ ਗਏ ਹਮਲੇ ‘ਚ ਨਾਟਕੀ ਤਰੀਕੇ ਨਾਲ ਇਸ ਦੀ ਸ਼ਿਕਾਰ ਕੰਪਨੀਆਂ ਦੀ ਗਿਣਤੀ ਵਧਦੀ ਜਾ ਰਹੀ ਹੈ। ਹਾਲਾਂਕਿ ਏਪੀ ਮੁਤਾਬਕ ਸਾਈਬਰ ਸੁਰੱਖਿਆ ਟੀਮ ਨੇ ਰਿਕਾਰਡ ‘ਤੇ ਸਿੰਗਲ ਸਭ ਤੋਂ ਵੱਡੇ ਆਲਮੀ ਰੈਨਸਮਵੇਅਰ ਹਮਲੇ ਦੇ ਅਸਰ ਨੂੰ ਰੋਕਣ ਲਈ ਐਤਵਾਰ ਨੂੰ ਉਤਸ਼ਾਹ ਵਧਾਊ ਕੰਮ ਕੀਤਾ। ਮੈਮੋਰੀਅਲ ਡੇਅ ਹਮਲੇ ਤੋਂ ਬਾਅਦ ਮੀਟ ਪ੍ਰਰੋਸੈਸਰ ਕੰਪਨੀ ਜੇਬੀਐੱਸ ਤੋਂ 1.1 ਕਰੋੜ ਅਮਰੀਕੀ ਡਾਲਰ ਜਬਰੀ ਮੰਗਵਾਉਣ ਲਈ ਲਏ ਜਾਣ ਜਾਣ ਵਾਲੇ ਬਦਨਾਮ ਰੇਵਿਲ ਗਿਰੋਹ ਨੇ ਸ਼ੁੱਕਰਵਾਰ ਨੂੰ 17 ਦੇਸ਼ਾਂ ‘ਚ ਹਜ਼ਾਰਾਂ ਲੋਕਾਂ ਨੂੰ ਪ੍ਰਭਾਵਿਤ ਕੀਤਾ। ਐੱਫਬੀਆਈ ਨੇ ਕਿਹਾ ਕਿ ਉਹ ਹਮਲੇ ਦੀ ਜਾਂਚ ਕਰ ਰਿਹਾ ਸੀ, ਪਰ ਇਸ ਘਟਨਾ ਦੀ ਵੱਡੇ ਪੱਧਰ ‘ਤੇ ਹਰੇਕ ਪੀੜਤ ਨੂੰ ਨਿੱਜੀ ਤੌਰ ‘ਤੇ ਜਵਾਬ ਦੇਣਾ ਅਸੰਭਵ ਹੋ ਸਕਦਾ ਹੈ। ਰਾਸ਼ਟਰਪਤੀ ਜੋਅ ਬਾਇਡਨ ਨੇ ਸ਼ਨਿਚਰਵਾਰ ਨੂੰ ਸੁਝਾਅ ਦਿੱਤਾ ਕਿ ਜੇਕਰ ਰੂਸੀ ਸਰਕਾਰ ਜਾਂਚ ‘ਚ ਪੂਰੀ ਤਰ੍ਹਾਂ ਸ਼ਾਮਲ ਹੋਣ ਲਈ ਦਿ੍ੜ੍ਹ ਸੰਕਲਪਤ ਹੈ ਤਾਂ ਅਮਰੀਕਾ ਕਾਰਵਾਈ ਕਰੇਗਾ। ਉਨ੍ਹਾਂ ਕਿਹਾ ਕਿ ਖ਼ੁਫ਼ੀਆ ਏਜੰਸੀਆਂ ਤੋਂ ਇਸ ਬਾਰੇ ਵੇਰਵਾ ਮੰਗਿਆ ਹੈ।
ਰੈਨਸਮਵੇਅਰ ਅਪਰਾਧੀ ਤੁਹਾਡੇ ਨੈੱਟਵਰਕ ‘ਚ ਸੰਨ੍ਹ ਲਗਾਉਂਦੇ ਹਨ ਤੇ ਮਾਲਵੇਅਰ ਫੈਲਾਉਣ ਲਈ ਤੁਹਾਡਾ ਸਾਰਾ ਡਾਟਾ ਖੰਗਾਲਦੇ ਹਨ ਜਿਸ ਦੀ ਸਰਗਰਮੀ ਦੌਰਾਨ ਤੁਹਾਡਾ ਨੈੱਟਵਰਕ ਖ਼ਰਾਬ ਹੋ ਜਾਂਦਾ ਹੈ। ਭੁਗਤਾਨ ਵੇਲੇ ਪੀੜਤਾਂ ਨੂੰ ਇਕ ਡਿਕੋਡਰ ਕੁੰਜੀ ਮਿਲਦੀ ਹੈ। ਸਵੀਡਿਸ਼ ਕਿਰਾਨਾ ਚੇਨ ਕਾਪ ਨੇ ਕਿਹਾ ਕਿ ਉਸ ਦੇ ਕੈਸ਼ੀਅਰ ਸਾਫਟਵੇਅਰ ਸਪਲਾਈ ਕਰਤਾ ਦੀ ਖ਼ਰਾਬੀ ਕਾਰਨ ਐਤਵਾਰ ਨੂੰ ਉਸ ਦੇ ਵਧੇਰੇ 800 ਸਟੋਰ ਬੰਦ ਰਹੇ। ਸਵੀਡਿਸ਼ ਫਾਰਮੇਸੀ ਚੇਨ, ਗੈਸ ਸਟੇਸ਼ਨ ਚੇਨ, ਰਾਸ਼ਟਰੀ ਰੇਲਵੇ ਤੇ ਜਨਤਕ ਪ੍ਰਸਾਰਕ ਐੱਸਵੀਟੀ ਵੀ ਪ੍ਰਭਾਵਿਤ ਹੋਏ।
