ਬੀਜਿੰਗ (ਪੀਟੀਆਈ) : ਚੀਨ ਨੇ ਬੀਜਿੰਗ ਦੇ ਇਤਿਹਾਸਕ ਤਿਆਨਮਿਨ ਚੌਕ ‘ਤੇ 1989 ਚ ਪ੍ਰਦਰਸ਼ਨਕਾਰੀਆਂ’ ’ਤੇ ਕੀਤੀ ਗਈ ਫ਼ੌਜ ਦੀ ਬੇਰਹਿਮ ਕੁੱਟਮਾਰ ਚ ਵੱਡੀ ਗਿਣਤੀ ਚ ਮਾਰੇ ਗਏ ਲੋਕਾਂ ਦਾ ਬਚਾਅ ਕਰਦਿਆਂ ਵੀਰਵਾਰ (4 ਜੂਨ) ਨੂੰ ਇਸ ਨੂੰ ਪੂਰੀ ਤਰ੍ਹਾਂ ਸਹੀ ਕਿਹਾ। ਇਹ ਵੀ ਕਿਹਾ ਕਿ ਉਸ ਦਾ ਸਮਾਜਵਾਦੀ ਰਾਜਨੀਤਿਕ ਮਾਡਲ ਸਹੀ ਚੋਣ ਹੈ।
ਧਿਆਨ ਯੋਗ ਹੈ ਕਿ ਇਹ ਕਾਰਵਾਈ 4 ਜੂਨ 1989 ਨੂੰ ਚੀਨ ਦੀ ਰਾਜਧਾਨੀ ਬੀਜਿੰਗ ਦੇ ਤਿਆਨਮੈਨ ਚੌਕ ਵਿਖੇ ਹੋਈ ਸੀ। ਚੀਨੀ ਫੌਜ ਨੇ ਨਿਹੱਥੇ ਨਾਗਰਿਕਾਂ ਉੱਤੇ ਤੋਪਾਂ ਅਤੇ ਟੈਂਕਾਂ ਨਾਲ ਕਾਰਵਾਈ ਕੀਤੀ, ਜੋ ਸ਼ਾਂਤੀਪੂਰਵਕ ਪ੍ਰਦਰਸ਼ਨ ਕਰ ਰਹੇ ਸਨ, ਜਿਸ ਵਿੱਚ ਵੱਡੀ ਗਿਣਤੀ ਵਿੱਚ ਪ੍ਰਦਰਸ਼ਨਕਾਰੀ ਮਾਰੇ ਗਏ ਸਨ। ਇਕ ਜੰਗੀ-ਟੈਂਕ ਨੂੰ ਰੋਕਣ ਦੀ ਕੋਸ਼ਿਸ਼ ਵਿਚ ਸਾਹਮਣੇ ਖੜ੍ਹੇ ਇਕ ਨੌਜਵਾਨ ਦੀ ਤਸਵੀਰ ਪ੍ਰਕਾਸ਼ਤ ਹੋਣ ਤੋਂ ਬਾਅਦ ਇਹ ਜਗ੍ਹਾ ਪੂਰੀ ਦੁਨੀਆ ਵਿਚ ਮਸ਼ਹੂਰ ਹੋ ਗਿਆ।
ਅਮਰੀਕੀ ਵਿਦੇਸ਼ ਮੰਤਰੀ ਮਾਈਕ ਪੋਂਪੀਓ ਨੇ ਵਾਸ਼ਿੰਗਟਨ ਵਿੱਚ ਕਾਰਵਾਈ ਤੋਂ ਬਚੇ ਕੁਝ ਲੋਕਾਂ ਨਾਲ ਮੁਲਾਕਾਤ ਕੀਤੀ। ਸਾਊਥ ਚਾਈਨਾ ਮੌਰਨਿੰਗ ਪੋਸਟ ਤੋਂ ਮਿਲੀ ਖ਼ਬਰ ਅਨੁਸਾਰ ਵਾਸ਼ਿੰਗਟਨ ਚ ਵਿਦੇਸ਼ ਵਿਭਾਗ ਦੇ ਇਕ ਬੰਦ ਕਮਰੇ ਵਿਚ ਇਹ ਬੈਠਕ ਹੋਈ।
ਪ੍ਰਦਰਸ਼ਨ ਨੂੰ ਲੈ ਕੇ ਸਵਾਲਾਂ ਦੇ ਅੜਿੱਕੇ ਦਾ ਸਾਹਮਣਾ ਕਰਦਿਆਂ ਚੀਨੀ ਵਿਦੇਸ਼ ਮੰਤਰਾਲੇ ਦੇ ਬੁਲਾਰੇ ਝਾਓ ਲੀਜਿਆਨ ਨੇ ਪ੍ਰਦਰਸ਼ਨ ਨੂੰ ‘ਰਾਜਨੀਤਿਕ’ਗੜਬੜੀ ਕਰਾਰ ਦਿੱਤਾ।
ਉਨ੍ਹਾਂ ਕਿਹਾ, “ਅਸੀਂ ਚੀਨੀ ਵਿਸ਼ੇਸ਼ਤਾਵਾਂ ਦੇ ਨਾਲ ਸਮਾਜਵਾਦ ਨੂੰ ਜਾਰੀ ਰੱਖਣ ਲਈ ਵਚਨਬੱਧ ਹਾਂ।”ਉਨ੍ਹਾਂ ਨੇ ਅਮਰੀਕਾ ਨੂੰ ਕਿਹਾ ਕਿ ਉਹ ਵਿਚਾਰਧਾਰਕ ਪੱਖਪਾਤ ਨੂੰ ਦੂਰ ਰੱਖਣ, ਗਲਤੀਆਂ ਨੂੰ ਸੁਧਾਰਨ ਅਤੇ ਕਿਸੇ ਵੀ ਤਰੀਕੇ ਨਾਲ ਚੀਨ ਦੇ ਘਰੇਲੂ ਮਾਮਲਿਆਂ ਵਿੱਚ ਦਖਲਅੰਦਾਜ਼ੀ ਨੂੰ ਰੋਕਣ।
