ਹਾਂਗਕਾਂਗ(ਪੰਜਾਬੀ ਚੇਤਾਨਾ): ਮਰਦਮਸ਼ੁਮਾਰੀ ਅਤੇ ਅੰਕੜਾ ਵਿਭਾਗ ਨੇ ਐਤਵਾਰ ਨੂੰ “ਹਾਂਗਕਾਂਗ ਵਿੱਚ ਔਰਤਾਂ ਅਤੇ ਪੁਰਸ਼ ਅੰਕੜੇ (2024 ਐਡੀਸ਼ਨ)” ਪ੍ਰਕਾਸ਼ਿਤ ਕੀਤਾ, ਜਿਸ ਵਿੱਚ ਸ਼ਹਿਰ ਵਿੱਚ ਲਿੰਗੀ ਪਾੜਾ ਵਧਦਾ ਹੋਇਆ ਦਿਖਾਇਆ ਗਿਆ।
ਅੰਕੜਿਆਂ ਤੋਂ ਪਤਾ ਚੱਲਦਾ ਹੈ ਕਿ 2023 ਵਿੱਚ ਹਾਂਗਕਾਂਗ ਵਿੱਚ 4,102,600 ਔਰਤਾਂ ਅਤੇ 3,425,300 ਪੁਰਸ਼ ਸਨ, ( ਵਿਦੇਸ਼ੀ ਘਰੇਲੂ ਸਹਾਇਕਾਂ ਨੂੰ ਛੱਡ ਕੇ) ਹਰ 1,000 ਔਰਤਾਂ ਪਿੱਛੇ ਸਿਰਫ਼ 834 ਪੁਰਸ਼ ਹਨ।
ਇਹ ਪਾੜਾ 2022 ਦੇ ਮੁਕਾਬਲੇ ਵੱਧ ਗਿਆ ਹੈ ਜਦੋਂ ਹਰ 1,000 ਔਰਤਾਂ ਪਿੱਛੇ 839 ਪੁਰਸ਼ ਸਨ।
ਇਸ ਦੌਰਾਨ, ਹਾਂਗਕਾਂਗ ਦੇ ਲੋਕ ਲੰਬੇ ਸਮੇਂ ਤੱਕ ਜੀ ਰਹੇ ਹਨ, ਔਰਤਾਂ ਅਤੇ ਮਰਦਾਂ ਦੀ ਜੀਵਨ ਸੰਭਾਵਨਾ ਕ੍ਰਮਵਾਰ 86.8 ਅਤੇ 80.7 ਸਾਲ ਤੋਂ ਵਧ ਕੇ 87.9 ਅਤੇ 82.5 ਸਾਲ ਹੋ ਗਈ ਹੈ। 2023 ਵਿੱਚ ਮੌਤਾਂ ਦੀ ਗਿਣਤੀ ਵੀ 63,000 ਤੋਂ ਘਟ ਕੇ 54,000 ਰਹਿ ਗਈ ਹੈ।
