ਹਾਂਗਕਾਂਗ: (ਢੁੱਡੀਕੇ): ਇਥੇ ਹਾਂਗਕਾਂਗ ਵਿੱਚ ਪੰਜਾਬ ਯੂਥ ਕਲੱਬ ਹਾਂਗਕਾਂਗ ਵੱਲੋਂ ਕਾਮਾਗਾਟਾ ਮਾਰੂ ਦੇ ਸ਼ਹੀਦਾਂ ਦੀ ਯਾਦ ਚ ਹਰ ਸਾਲ ਦੀ ਤਰਾਂ ਸਲਾਨਾ 14ਵਾਂ ਕਾਮਾਗਾਟਾ ਮਾਰੂ ਯਾਦਗਾਰੀ ਹਾਕੀ ਟੂਰਨਾਮੈਂਟ 15 ਦਸੰਬਰ 2024 ਦਿਨ ਐਤਵਾਰ ਨੂੰ ਹੈਪੀ ਵੈਲੀ ਦੀਆਂ ਗਰਾਊਡਾਂ ਵਿਚ ਕਰਵਾਇਆ ਜਾ ਰਿਹਾ ਹੈ। ਜਿਸ ਵਿੱਚ ਹਾਕੀ ਦੀਆਂ ਪ੍ਰੀਮੀਅਰ ਡਵੀਜਨ ਦੀਆਂ ਸਾਰੀਆਂ ਟੀਮਾਂ ਭਾਗ ਲੈ ਰਹੀਆਂ ਹਨ, ਇਸ ਸਾਲ ਵੀ ਹਰ ਸਾਲ ਦੀ ਤਰਾਂ ਕੁੜੀਆਂ ਦੀਆਂ ਟੀਮਾਂ ਵੀ ਭਾਗ ਲੈ ਰਹੀਆਂ ਹਨ। ਇਹ ਟੂਰਨਾਮੈਂਟ ਹਰ ਸਾਲ ਹਾਂਗਕਾਂਗ ਦੀਆਂ ਸਾਰੀਆਂ ਪੰਜਾਬੀ ਹਾਕੀ ਕਲੱਬਾਂ ਤੇ ਸਾਰੇ ਪੰਜਾਬੀ ਭਾਈਚਾਰੇ ਦੇ ਸਹਿਯੋਗ ਨਾਲ ਕਰਵਾਇਆ ਜਾਂਦਾ ਤੇ ਵਿਸ਼ੇਸ਼ ਸਹਿਯੋਗ ਹਾਂਗਕਾਂਗ ਹਾਕੀ ਐਸੋਸੀਸ਼ਨ ਵੱਲੋਂ ਦਿੱਤਾ ਜਾਂਦਾ ਹੈ, ਜਿੱਤਣ ਵਾਲੀਆਂ ਟੀਮਾਂ ਨੂੰ ਨਗਦ ਇਨਾਮ ਤੇ ਟਰਾਫੀਆਂ ਦਿੱਤੀਆਂ ਜਾਣਗੀਆਂ। ਇਸ ਨਿਸ਼ਕਾਮ ਸੇਵਾ ਲਈ ਸਹਿਯੋਗੀ ਸੱਜਣਾਂ ਨੂੰ ਸੱਦਾ ਪੱਤਰ ਦਿੱਤਾ ਜਾਂਦਾ ਹੈ।
ਸਵੇਰੇ 9 ਵਜੇ ਤੋ ਸ਼ਾਮ 6 ਵਜੇ ਦੌਰਾਨ ਹੋਣ ਵਾਲੇ ਇਸ ਹਾਕੀ ਖੇਡ ਮੇਲੇ ਦੌਰਾਨ ਹਰ ਵਾਰ ਦੀ ਤਰਾਂ ਹੀ ਗੁਰੂ ਦਾ ਲੰਗਰ ਵੀ ਅਟੁੱਟ ਵਤਰੇਗਾ। ਹਰ ਇਕ ਨੂੰ ਇਸ ਮੇਲੇ ਦਾ ਹਿੱਸਾ ਬਨਣਾ ਦਾ ਖੁਲਾ ਸੱਦਾ ਹੈ।
