ਸਤਰੰਗ ਇੰਟਰਟੇਨਰਸ ਦੀ ਵੱਡੇ ਪਰਦੇ ਦੀ ਪਲੇਠੀ ਪੰਜਾਬੀ ਫਿਲਮ ” ਰਿਸ਼ਤੇ ਨਾਤੇ ” ਸ਼ੋਸ਼ਲ ਮੀਡੀਏ ਤੇ ਚਰਚਾ ‘ਚ

0
77

ਹਾਂਗਕਾਂਗ (ਢੁੱਡੀਕੇ) ਅੱਜ ਕੱਲ ਸ਼ੋਸ਼ਲ ਮੀਡੀਆ ਤੇ ਸੱਤਰੰਗ ਇੰਟਰਟੈਨਰਸ ਦੇ ਬੈਨਰ ਹੇਠ ਬਣੀ ਕਸ਼ਮੀਰ ਸਿੰਘ ਸੋਹਲ ਅਤੇ ਕੁਲਜੀਤ ਸਿੰਘ ਖ਼ਾਲਸਾ ਦੀ ਵੱਡੇ ਪਰਦੇ ਤੇ ਆ ਰਹੀ ਪਲੇਠੀ ਪੰਜਾਬੀ ਫਿਲਮ ” ਰਿਸ਼ਤੇ ਨਾਤੇ ” ਕਾਫੀ ਚਰਚਾ ਵਿੱਚ ਹੈ। ਇਸ ਫਿਲਮ ਦਾ ਪੋਸਟਰ ਰਿਲੀਜ਼ ਹੋ ਚੁੱਕਾ ਹੈ, ਇਸ ਫਿਲਮ ਨੂੰ ਦੇਸ਼ਾਂ ਵਿਦੇਸ਼ਾਂ ਚ ਰਿਲੀਜ਼ ਕਰਨ ਦੀ ਤਰੀਖ਼ 24 ਜਨਵਰੀ 2025 ਮਿਥ ਲਈ ਗਈ ਹੈ, ਇਸ ਫਿਲਮ ਚ ਲੀਡ ਰੋਲ ਨਵੇਂ ਚਿਹਰੇ ਹਾਂਗਕਾਂਗ ਦੇ ਜੰਮਪਲ ਰਘਬੀਰ ਸੋਹਲ ਅਤੇ ਉਭਰ ਰਹੀ ਅਦਾਕਾਰਾ ਲਵ ਗਿੱਲ ਅਤੇ ਮਸ਼ਹੂਰ ਅਦਾਕਾਰ ਮਲਕੀਤ ਰੌਣੀ ਕਰ ਰਹੇ ਨੇ, ਇਹਨਾਂ ਨਾਲ ਪਾਕਿਸਤਾਨੀ ਕਲਾਕਾਰ ਮਿਰਜ਼ਾ,ਪਰਮਿੰਦਰ ਗਿੱਲ, ਲਵ ਕੌਰ, ਨਵਤੇਜ ਅਟਵਾਲ ਤੇ ਪ੍ਰੀਤੋ ਯੂਕੇ ਖ਼ਾਸ ਕਿਰਦਾਰ ਕਰ ਰਹੇ ਹਨ। ਗੁਰਪ੍ਰੀਤ ਮੰਡ ਸਹਯੋਗੀ ਰੋਲ ਵਿੱਚ ਤੇ ਪੰਜਾਬੀ ਫ਼ਿਲਮਾਂ ਦੀ ਲਾਜਵਾਬ ਅਦਾਕਾਰਾ “ਬਦਲਾ ਜੱਟੀ ਦਾ” ਵਾਲੀ ” ਗੁਲਾਬੋ ” ਸੁਨੀਤਾ ਧੀਰ ਇਸ ਫਿਲਮ ਦੇ ਵਿੱਚ ਮੁੱਖ ਕਿਰਦਾਰ ਵਿੱਚ ਨਜ਼ਰ ਆਉਣਗੇ। ਇਸ ਫਿਲਮ ਨੂੰ ਡਾਇਰੈਕਟ ਕੀਤਾ ਹੈ ਨੌਜਵਾਨ ਨਿਰਦੇਸ਼ਕ ਨਸੀਬ ਰੰਧਾਵਾ ਨੇ. ਇਸ ਮੂਵੀ ਦੇ ਗੀਤਾਂ ਦੇ ਲਿਖਾਰੀ ਰਾਸ਼ਟਰਪਤੀ ਅਵਾਰਡ ਵਿਜੇਤਾ ਜਸਦੀਪ ਸਾਗਰ ਹਨ, ਸੰਗੀਤ ਤਿਆਰ ਕੀਤਾ ਹੈ ਗੁਰਮੀਤ ਸਿੰਘ ਅਤੇ ਤਾਰ ਏ ਬੀਟ ਬ੍ਰੈਕਰ, ਸਿਧਾਰਥ ਨੇ ਪਿੱਠਵਰਤੀ ਸੰਗੀਤ ਦਿੱਤਾ ਹੈ।
ਗੀਤਾਂ ਨੂੰ ਆਵਾਜ਼ ਵੀ ਉੱਚਕੋਟੀ ਦੇ ਗਾਇਕਾਂ
ਦੁਰਗਾ ਰੰਗੀਲਾ, ਫਿਰੋਜ਼ ਖਾਨ, ਸੰਦੀਪ ਵਾਰਿਸ, ਨਸੀਰ ਖਵਾਜਾ, ਸਿਮਰਨ ਭਾਰਦਵਾਜ ਤੇ ਗਿੰਨੀ ਮਾਹੀ ਵੱਲੋ ਦਿੱਤੀਆਂ ਹਨ।
ਸੰਵਾਦ ਤੇ ਪਟਕਥਾ ਸਤਨਾਮ ਬੁਗਰਾ ਦੀ ਹੈ। ਫਿਲਮ ਲਈ ਰੂਪ ਸੱਜਾ ਅਵਨੀਤ ਤੇ ਕਿਰਨ ਨੇ ਕਰਵਾਈ ਹੈ। ਜਿਆਦਾਤਰ ਫਿਲਮ ਨੂੰ ਯੂ ਕੇ ਵਿੱਚ ਹੀ ਫਿਲਮਾਇਆ ਗਿਆ ਹੈ। ਫਿਲਮ ਦੇ ਨਿਰਦੇਸ਼ਕ ਨਸੀਬ ਰੰਧਾਵਾ ਦਾ ਕਹਿਣਾ ਹੈ ਕਿ ਇਹ ਇੱਕ ਪਰਿਵਾਰਕ ਫਿਲਮ ਹੈ ਤੇ ਦਰਸ਼ਕਾਂ ਨੂੰ ਲੁਭਾਉਣ ਹਸਾਉਣ ਤੇ ਮਨੋਰੰਜਨ ਲਈ ਕਾਫੀ ਮਸਾਲਾ ਹੈ। ਆਸ ਹੈ ਕਿ ਨਵਾਂ ਸਾਲ ਫਿਲਮ ” ਰਿਸ਼ਤੇ ਨਾਤੇ ” ਨਸੀਬ ਰੰਧਾਵਾ ਦੇ ਨਿਰਦੇਸ਼ਨ ਤੇ ਰਘਬੀਰ ਸੋਹਲ ਦੀ ਅਦਾਕਾਰੀ ਨੂੰ ਜੀ ਆਇਆ ਕਹਿ ਕੇ ਵਧੀਆ ਨਸੀਬ ਲਿਖੇਗਾ ਤੇ ਸਤਰੰਗ ਇੰਟਰਟੇਨਰਸ ਵਾਲੇ ਕਸ਼ਮੀਰ ਸਿੰਘ ਸੋਹਲ ਤੇ ਕੁਲਜੀਤ ਸਿੰਘ ਖ਼ਾਲਸਾ ਦਾ ਵੱਡੇ ਪਰਦੇ ਦੀ ਫਿਲਮ ਇੰਡਸਟਰੀ ‘ਚ ਪੈਰ ਧਰਾਵਾ ਕਰਵਾਏਗਾ । ਫਿਲਮ ਦੀ ਸਾਰੀ ਟੀਮ ਦਾ ਇਹੀ ਕਹਿਣਾ ਹੈ ਕਿ ਇਹ ਹਰ ਵਰਗ ਦੇ ਦਰਸ਼ਕਾਂ ਦੀਆਂ ਉਮੀਦਾਂ ਤੇ ਖਰ੍ਹਾ ਉਤਰੇਗੀ।