ਨਵੀਂ ਦਿੱਲੀ, : ਬੁੱਧਵਾਰ 26 ਜੁਲਾਈ ਨੂੰ ਸੋਨੇ-ਚਾਂਦੀ ਦੀਆਂ ਕੀਮਤਾਂ ‘ਚ ਤੇਜ਼ੀ ਦੇਖਣ ਨੂੰ ਮਿਲੀ। ਅੱਜ ਸੋਨੇ ਦੀ ਕੀਮਤ 226 ਰੁਪਏ ਅਤੇ ਚਾਂਦੀ 187 ਰੁਪਏ ਵਧੀ। ਸ਼ੇਅਰ ਬਾਜ਼ਾਰ ਦੀ ਗੱਲ ਕਰੀਏ ਤਾਂ ਅੱਜ ਸੈਂਸੇਕਸ 351 ਅੰਕ ਤੇ ਨਿਫਟੀ 97 ਅੰਕ ਚੜ੍ਹ ਕੇ ਬੰਦ ਹੋਇਆ ਹੈ।
ਸੋਨੇ ਦਾ ਰੇਟ ਕੀ ਹੈ?
ਹਾਜ਼ਿਰ ਬਾਜ਼ਾਰ ‘ਚ ਮਜ਼ਬੂਤ ਮੰਗ ਕਾਰਨ ਵਾਇਦਾ ਕਾਰੋਬਾਰ ‘ਚ ਸੋਨਾ 226 ਰੁਪਏ ਵਧ ਕੇ 59,415 ਰੁਪਏ ਪ੍ਰਤੀ 10 ਗ੍ਰਾਮ ‘ਤੇ ਪਹੁੰਚ ਗਿਆ। ਮਲਟੀ ਕਮੋਡਿਟੀ ਐਕਸਚੇਂਜ ‘ਤੇ, ਅਗਸਤ ਵਿਚ ਡਲਿਵਰੀ ਲਈ ਸੋਨੇ ਦੇ ਸੌਦੇ ਦੀ ਕੀਮਤ 226 ਰੁਪਏ ਜਾਂ 0.38 ਫੀਸਦੀ ਵਧ ਕੇ 59,415 ਰੁਪਏ ਪ੍ਰਤੀ 10 ਗ੍ਰਾਮ ਹੋ ਗਈ, ਜਿਸ ਵਿਚ 4,637 ਲਾਟ ਲਈ ਕਾਰੋਬਾਰ ਹੋਇਆ।
ਵਿਸ਼ਵ ਪੱਧਰ ‘ਤੇ ਨਿਊਯਾਰਕ ‘ਚ ਸੋਨਾ 0.34 ਫੀਸਦੀ ਵਧ ਕੇ 2,009.60 ਡਾਲਰ ਪ੍ਰਤੀ ਔਂਸ ‘ਤੇ ਕਾਰੋਬਾਰ ਕਰ ਰਿਹਾ ਸੀ।
