ਅਯੁੱਧਿਆ : ਅਯੁੱਧਿਆ ਵਿੱਚ 22 ਜਨਵਰੀ 2024 ਨੂੰ ਭਗਵਾਨ ਰਾਮ ਦੀ ਮੂਰਤੀ ਦੀ ਸਥਾਪਨਾ ਦਾ ਆਯੋਜਨ ਕੀਤਾ ਜਾ ਰਿਹਾ ਹੈ। ਇਸ ਪ੍ਰੋਗਰਾਮ ‘ਚ ਹਿੱਸਾ ਲੈਣ ਲਈ ਦੇਸ਼-ਵਿਦੇਸ਼ ਤੋਂ ਹਜ਼ਾਰਾਂ ਲੋਕ ਅਯੁੱਧਿਆ ਪਹੁੰਚ ਰਹੇ ਹਨ, ਜਿਸ ਦੀਆਂ ਤਿਆਰੀਆਂ ਜ਼ੋਰਾਂ ‘ਤੇ ਚੱਲ ਰਹੀਆਂ ਹਨ। ਰਾਮ ਮੰਦਰ ‘ਚ ਪ੍ਰਵੇਸ਼ ਨੂੰ ਲੈ ਕੇ ਐਂਟਰੀ ਐਡਵਾਈਜ਼ਰੀ ਜਾਰੀ ਕੀਤੀ ਗਈ ਹੈ, ਇਸ ਲਈ ਜੇਕਰ ਤੁਸੀਂ ਵੀ ਰਾਮਲਲਾ ਦੇ ਦਰਸ਼ਨਾਂ ਲਈ ਆ ਰਹੇ ਹੋ ਤਾਂ ਤੁਹਾਨੂੰ ਇਨ੍ਹਾਂ ਗੱਲਾਂ ਦਾ ਖਾਸ ਧਿਆਨ ਰੱਖਣਾ ਹੋਵੇਗਾ। ਨਹੀਂ ਤਾਂ ਦਰਸ਼ਨ ਕੀਤੇ ਬਿਨਾਂ ਹੀ ਪਰਤਣਾ ਪਵੇਗਾ।
ਖਾਣ-ਪੀਣ ਦੀਆਂ ਵਸਤੂਆਂ ਨਹੀਂ ਲਿਜਾ ਸਕਦੇ : ਤੁਸੀਂ ਆਪਣੇ ਨਾਲ ਖਾਣ-ਪੀਣ ਦੀਆਂ ਵਸਤੂਆਂ ਨੂੰ ਮੰਦਰ ਦੇ ਪਰਿਸਰ ਵਿੱਚ ਨਹੀਂ ਲੈ ਜਾ ਸਕਦੇ। ਚਾਹੇ ਉਹ ਘਰ ਦਾ ਬਣਿਆ ਹੋਵੇ ਜਾਂ ਬਾਹਰ ਦਾ ਪੈਕ ਕੀਤਾ ਭੋਜਨ।
ਇਲੈਕਟ੍ਰਾਨਿਕਸ ਜੰਤਰ : ਤੁਸੀਂ ਮੰਦਰ ਵਿੱਚ ਪਵਿੱਤਰ ਸਮਾਰੋਹ ਦੌਰਾਨ ਆਪਣੇ ਨਾਲ ਕੋਈ ਵੀ ਇਲੈਕਟ੍ਰਾਨਿਕ ਯੰਤਰ ਨਹੀਂ ਲੈ ਜਾ ਸਕਦੇ। ਮੋਬਾਈਲ ਤੋਂ ਲੈ ਕੇ ਇਲੈਕਟ੍ਰਾਨਿਕ ਘੜੀ, ਈਅਰਫੋਨ, ਲੈਪਟਾਪ ਜਾਂ ਕੈਮਰਾ, ਇਨ੍ਹਾਂ ਸਾਰੀਆਂ ਚੀਜ਼ਾਂ ‘ਤੇ ਪਾਬੰਦੀ ਹੈ।
ਬੈਲਟ ਅਤੇ ਜੁੱਤੀਆਂ ਸੰਬੰਧੀ ਨਿਯਮ : 22 ਜਨਵਰੀ ਨੂੰ ਹੋਣ ਵਾਲੇ ਪ੍ਰਾਣ-ਪ੍ਰਤੀਸ਼ਥਾ ਸਮਾਗਮ ਦੌਰਾਨ ਕੋਈ ਵੀ ਵਿਅਕਤੀ ਬੈਲਟ, ਜੁੱਤੀਆਂ ਆਦਿ ਪਾ ਕੇ ਮੰਦਰ ਪਰਿਸਰ ਵਿੱਚ ਨਹੀਂ ਜਾ ਸਕਦਾ। ਪਰਸ ਵੀ ਮੰਦਰ ਦੇ ਅੰਦਰ ਨਹੀਂ ਲਿਜਾਇਆ ਜਾ ਸਕਦਾ।
ਪੂਜਾ ਥਾਲੀ ਨਾ ਲਓ : ਮੰਦਰ ‘ਚ ਪੂਜਾ ਥਾਲੀ ਤੋਂ ਬਿਨਾਂ ਸ਼ਾਇਦ ਹੀ ਲੋਕ ਆਉਂਦੇ ਹੋਣ, ਪਰ ਫਿਲਹਾਲ ਤੁਹਾਨੂੰ ਪੂਜਾ ਸਮੱਗਰੀ ਅਤੇ ਥਾਲੀ ਲੈ ਕੇ ਨਹੀਂ ਆਉਣਾ ਚਾਹੀਦਾ, ਕਿਉਂਕਿ ਇਸ ਦੌਰਾਨ ਪੂਜਾ ਦੀ ਇਜਾਜ਼ਤ ਨਹੀਂ ਹੋਵੇਗੀ।
ਸਿਰਫ਼ ਸੱਦਾ ਪੱਤਰ ਵਾਲੇ ਨੂੰ ਹੀ ਦਾਖ਼ਲਾ ਮਿਲੇਗਾ : ਸਭ ਤੋਂ ਖਾਸ ਗੱਲ ਇਹ ਹੈ ਕਿ 22 ਜਨਵਰੀ ਨੂੰ ਹੋਣ ਵਾਲੇ ਇਸ ਸਮਾਗਮ ਵਿੱਚ ਸਿਰਫ਼ ਉਹੀ ਲੋਕ ਹਿੱਸਾ ਲੈ ਸਕਦੇ ਹਨ, ਜਿਨ੍ਹਾਂ ਨੂੰ ਇਸ ਸਮਾਗਮ ਲਈ ਸੱਦਾ ਪੱਤਰ ਮਿਲਿਆ ਹੈ। ਬਿਨਾਂ ਸੱਦੇ ਦੇ ਇੱਥੇ ਆਉਣ ਵਾਲਿਆਂ ਨੂੰ ਦਾਖਲੇ ਦੀ ਇਜਾਜ਼ਤ ਨਹੀਂ ਦਿੱਤੀ ਜਾਵੇਗੀ। ਸੁਰੱਖਿਆ ਲਈ ਇਹ ਕਦਮ ਚੁੱਕਿਆ ਗਿਆ ਹੈ। ਜ਼ਬਰਦਸਤੀ ਦਾਖ਼ਲ ਹੋਣ ਵਾਲਿਆਂ ਖ਼ਿਲਾਫ਼ ਸਖ਼ਤ ਕਾਰਵਾਈ ਕੀਤੀ ਜਾ ਸਕਦੀ ਹੈ।
ਕੱਪੜਿਆਂ ਬਾਰੇ ਨਿਯਮ : ਰਾਮ ਮੰਦਰ ਪ੍ਰਾਣ-ਪ੍ਰਤੀਸ਼ਥਾ ਪ੍ਰੋਗਰਾਮ ‘ਚ ਲੋਕਾਂ ਨੂੰ ਭਾਰਤੀ ਰਵਾਇਤੀ ਕੱਪੜੇ ਪਾ ਕੇ ਹੀ ਮੰਦਰ ‘ਚ ਦਾਖਲ ਹੋਣ ਦਿੱਤਾ ਜਾਵੇਗਾ। ਹਾਲਾਂਕਿ ਮੰਦਰ ਕੰਪਲੈਕਸ ਦੁਆਰਾ ਕੋਈ ਖਾਸ ਡਰੈੱਸ ਕੋਡ ਨਿਰਧਾਰਤ ਨਹੀਂ ਕੀਤਾ ਗਿਆ ਹੈ, ਪਰ ਭਾਰਤੀ ਰਵਾਇਤੀ ਪਹਿਰਾਵਾ ਪਹਿਨਣ ਵਾਲਿਆਂ ਨੂੰ ਤਰਜੀਹ ਦਿੱਤੀ ਜਾਵੇਗੀ।
