‘ਮੰਨਾ ਮੋਹੀ’ ਦੀ ਫਿਲਮ ‘ਵੈਲਕਮ ਮਿਲੀਅਨਜ਼’ ਆਸਕਰ ਅਵਾਰਡ ਲਈ ਨਾਮਜ਼ਦ: ਟੀਮ ਨੂੰ ਮੁਬਾਰਕਾਂ

0
499

ਪੰਜਾਬੀਆਂ ਨੇ ਹਰ ਖੇਤਰ ਵਿੱਚ ਮੱਲਾਂ ਮਾਰੀਆਂ ਹਨ । ਭਾਵਂੇ ਉਹ ਕਾਰੋਬਾਰ ਹੋਵੇ ਜਾਂ ਪੰਜਾਬੀ ਗਾਣੇ ਜਾਂ ਫਿਰ ਫਿਲਮ ਇੰਡਸਟਰੀ, ਹਰ ਖੇਤਰ ਵਿੱਚ ਪੰਜਾਬੀ ਸਭ ਤੋਂ ਅੱਗੇ ਹਨ । ਹੁਣ ਪੰਜਾਬ ਦੇ ਲੋਕਾਂ ਲਈ ਇੱਕ ਹੋਣ ਮਾਣ ਵਾਲੀ ਗੱਲ ਸਾਹਮਣੇ ਆਈ ਹੈ । ਫਿਲਮ ਨਿਰਦੇਸ਼ਕ ‘Milroy Goes’ ਦੀ ਫਿਲਮ ‘ਵੈਲਕਮ ਮਿਲੀਅਨਜ਼’ ਆਸਕਰ ਅਵਾਰਡ ਲਈ ਨਾਮਜ਼ਦ ਹੋਈ ਹੈ ।
ਇਸ ਫਿਲਮ ਦਾ ਨਿਰਮਾਣ ਕਈ ਭਾਸ਼ਾਵਾਂ ਵਿੱਚ ਹੋਇਆ ਹੈ । ਇਸ ਫਿਲਮ ਨੂੰ 2018 ਵਿੱਚ ਅਮਰੀਕਾ ਵਿੱਚ ਹੋਣ ਵਾਲੇ ਆਸਕਰ ਅਵਾਰਡ ਸਮਾਰੋਹ ਲਈ ਨਾਮਜ਼ਦ ਕੀਤਾ ਗਿਆ ਹੈ । ਫਿਲਮ ਦੇ ਨਿਰਮਾਤਾ ਮੰਨਾ ਮੋਹੀ ਇੰਗਲੈਂਡ ਵਿੱਚ ਪਿਛਲੇ ਕਈ ਸਾਲਾਂ ਤੋਂ ਰਹਿ ਰਹੇ ਹਨ । ਮੰਨਾ ਮੋਹੀ ਉਰਫ ਮਨਪ੍ਰੀਤ ਸਿੰਘ ਪੰਜਾਬ ਦੇ ਜ਼ਿਲਾ ਲੁਧਿਆਣਾ ਦੇ ਜੰਮਪਲ ਹਨ । ਫਿਲਮ ਦੀ ਗੱਲ ਕੀਤੀ ਜਾਵੇ ਤਾਂ ਇਸ ਫਿਲਮ ਵਿੱਚ ਮੋਹੀ ਨੇ ਅਹਿਮ ਕਿਰਦਾਰ ਨਿਭਾਇਆ ਹੈ ਜਦੋਂ ਕਿ ਵੈਲਕਮ ਮਿਲੀਅਨਜ਼ ਦੇ ਨਿਰਮਾਣ ਵਿੱਚ ਪੰਜਾਬ ਦੇ ਉੱਘੇ ਨਿਰਦੇਸ਼ਕ ਬਲਬੀਰ ਬੇਗਮਪੁਰੀ ਦਾ ਅਹਿਮ ਯੋਗਦਾਨ ਰਿਹਾ ਹੈ ।

ਇਹ ਫਿਲਮ ਪੰਜਾਬੀ, ਹਿੰਦੀ, ਕੋਕਨੀ ਅਤੇ ਅੰਗਰੇਜ਼ੀ ਵਿੱਚ ਬਣੀ ਹੈ । ਇਸ ਦੀ ਸ਼ੂਟਿੰਗ ਗੋਆ ਦੀਆਂ ਖੂਬਸੂਰਤ ਲੋਕੇਸ਼ਨਾਂ ਤੇ ਫਿਲਮਾਈ ਗਈ ਹੈ । ਇਸ ਤੋਂ ਇਲਾਵਾ ਮਾਡਲ ਤੇ ਅਦਾਕਾਰਾ ਜੁਆਨੇ ਡਾ. ਕੁਨਹਾ, ਲੇਸ ਮੇਨੇਜ਼ੇਜ, ਡਾਏਲੇਨ ਰੋਡਰੀਕਸ, ਸੋਹਨ ਬੋਰਕਰ, ਰਜਾ ਖਾਨ ਨੇ ਇਸ ਫਿਲਮ ਵਿੱਚ ਦਮਦਾਰ ਅਦਾਕਾਰੀ ਕੀਤੀ ਹੈ ।